Die Voortrekkers

Kaapland

Dit is ’n groot lieflike terrein, geleë te midde van ’n fynbosarea. Pragtige uitsig op die kloof en Van Stadensrivierbrug. Argitek se kommentaar was: Van al die Voortrekkerterreine wat ek besoek het is Van Stadenskloof die mooiste in Suid-Afrika! Tans voer die komitee ’n verbete stryd teen indringers, ná ’n brand van twee jaar gelede.

Hoofsaaklik vir spankampe en groepe. Bied huisvesting vir 45 persone.

Die hoofkamphuis bied akkommodasie vir 15 persone op die ingeboude dek.

Op die vloer is:

1.  ’n saaltjie, waarin 30 persone gemaklik kan  

     sit. Genoegsaam stoele beskikbaar. Drie

     opvou- tafels.

2.  ’Kombuis: met drie gasbranders, opwasbak

     met ingeboude kassies en drie 2 meter lange

     rakke, asook ’n gas-yskas. Geen kombuisge-

     reedskap soos potte en panne nie, a.g.v. 

     inbrake.

     Ablusie binne hoofkamphuis per geslag: een 

     stort, een wasbak en een toilet.

3. Twee identiese slaaplokale: Elk bestaande uit klein slaaplokaal, groot slaaplokaal en ablusie:

Klein slaaplokaal: een dubbeldekkerbed.

Groot slaaplokaal: twee x driedekkerbeddens

(6 persone) en koningsgrootte bed  (ook drie dekker) waarop  drie persone per matras kan slaap. (9 persone)

Ablusie:  Twee storte, een wasbak en twee spoeltoilette.

4. Lapa: Omhein met hout, ronde braaiplek, asook kaggeltipe braaiplek met skoorsteen.

5. Staproetes: Word tans opgegradeer ná die groot brand.

5. Beligting:  Twee gaslampe beskikbaar. Bedrading vir elektrisiteit, asook drie- en tweepuntproppe op strategiese plekke, word in die baie nabye toekoms in vooruitsig gestel.