DOEL VAN DIE KAMP
Die doel van die
kamp is om die Veldvernuf spesiale onderskeidingskenteken vir
Verkenners te verwerf. Dit word gedoen deur formele sessies waar
julle opgelei sal word in onder andere makkerhulp, kaartwerk, vermom en
bekruip, wapenhantering, kommunikasie, waterherwinning, skuilingbou,
handwerk, vure en leierskap. Die kamp bereik sy hoogtepunt tydens
Operasie Kaktusdoring, wat ‘n 24 uur skynoorlog in die randte rondom
Wemmershoek is.
AARD VAN DIE KAMP
Julle sal gedurende die kamp in twee taakmagte ingedeel wees en teen
mekaar kompeteer. Ander aktiwiteite word ingesluit soos: kampvuuritems,
vlugbal, toutrek, hindernisbaan, tentinspeksies en algemene dissipline.
Daar word ander interessante aktiwiteite deur kenners aangebied. Die
kamp sal bestuur word deur ‘n verkennerraad waar elke kamer deur
sy kamerleier verteenwoordig word.
Die kampkoerant word daagliks uitgegee. Julle bydraes tot die
kampkoerant sal julle deurlopend op hoogte hou van al die gebeure tydens
die kamp. Radio Kaktusdoring gee elke aand die geleentheid om jou
diepste gevoelens oor te dra. Ervaar die goeie advies van Drakie
Verdriet.
OPERASIE KAKTUSDORING
Wat is dit?
‘n Skyn oorlog tussen twee taakmagte wat plaasvind in die veld tydens
die Donderdag nag van die Gr. 9 Provinsiekamp, wanneer die Verkenners 24
uur in die veld deurbring. Die hoofdoel is om die opposisie se
hoofkwartier op te spoor, binne te val en die vlag in besit te neem.
Waarom word dit gehou?
Gee aan die Verkenners die geleentheid om sommige van die vaardighede,
bv. Kaartwerk, spoorsny, sterrekunde, skuilingbou, radio prosedure,
vermom, bekruip en weerbaarheid, wat hulle aangeleer het te gebruik.
Leierskaps opleiding – nie net die generaals nie, maar ook bv. Met
leiding neem in skuilingbou, kosmaak en groepspele.
Spanwerk is ‘n hoofsaak – dit kan nie daarsonder slaag nie.
Dit is ‘n voorvereiste van die Veldvernuf spesiale
onderskeidingskenteken dat die Verkenner 24 uur in die veld moet
deurbring en sinvol besig wees.
MOENIE SPYT WEES NIE.
KOM WEES DEEL VAN DIE -
-
MEES OPWINDENDE GELEENTHEID VAN JOU VERKENNER LOOPBAAN.
-
LEKKER GROEP WAT DEUR KAKTUSDORING IS
-
VERKENNERS WAT SAAM PRAAT OOR ‘N OPWINDENDE ERVARING
|
